சூரி ஹீரோவாக நடிக்கும் புதிய படம் -யார் தயாரிப்பாளர் தெரியுமா ?

கோலிவுட்டில் காமெடி நடிகராக பல படங்களில் நடித்தவர் சூரி .இவர் வெண்ணிலா கபடி குழு படத்தில் பரோட்டா காமெடி மூலம் புகழ் பெற்றார் .பின்னர் சிவகார்த்திகேயனுடன் பல படங்களில் காமெடி நண்பராக நடித்து புகழ் பெற்றார் .பல ஹீரோக்களுடன் நண்பராக நடித்த பின் ,கதாநாயகனாக நடித்தார் .அதில் குறிப்பாக வெற்றி மாறன் இயக்கத்தில் வெளியான விடுதலை ,படம் அவருக்கு நல்ல பெயரை பெற்று கொடுத்தது .பின்னர் தற்போது வெளிவந்த மாமன் படம் நல்ல வசூலை அள்ளியது .
இதனையடுத்து, மதிமாறன் புகழேந்தி இயக்கத்தில் 'மண்டாடி' என்ற படத்தில் சூரி நடிக்க உள்ளார். எல்ரட் குமாரின் ஆர்.எஸ். இன்போ நிறுவனம் தயாரிக்கும் இப்படத்தில் மகிமா நம்பியார் கதாநாயகியாக நடிக்க உள்ளார். நடிகர் சுஹால் முக்கிய கதாபாத்திரத்தில் நடிக்க உள்ளார்.
இந்த நிலையில், நடிகர் சூரியின் மற்றொரு புதிய படம் குறித்த தகவல் கிடைத்துள்ளது. அதாவது, பிரபல இயக்குனரான லோகேஷ் கனகராஜ் தயாரிப்பில் சூரி நடிக்க உள்ளதாக தகவல் கிடைத்துள்ளது. இந்த படத்தினை லிஜோ ஜோஸ் பெல்லிசேரி இயக்க உள்ளார். இவர் மோகன்லால் நடிப்பில் வெளியான 'மலைக்கோட்டை வாலிபன்' என்ற படத்தினை இயக்கியவர் என்பது குறிப்பிடத்தக்கது.