சூர்யா பிறந்தநாளில் காத்திருக்கும் சர்ப்ரைஸ்... உற்சாகத்தில் ரசிகர்கள் !

 சூர்யாவின் பிறந்தநாளையொட்டி கங்குவா படத்தின் முக்கிய அப்டேட் வெளியாகவுள்ளது. 

சூர்யா நடிப்பில் சிறுத்தை சிவா இயக்கத்தில் உருவாகி வரும் திரைப்படம் ‘கங்குவா’. இந்த படத்தில் இந்த படத்தில் பாலிவுட் நடிகை திஷா பதானி கதாநாயகியாக நடிக்கிறார். மேலும் இந்த படத்தில் யோகி பாபு, கோவை சரளா உள்ளிட்டோர் முக்கிய கதாபாத்திரங்களில் நடித்து வருகின்றனர். இப்படத்தை யூவி கிரியேஷன் மற்றும் ஸ்டுடியோ கிரீன் நிறுவனங்கள் இணைந்து தயாரித்து வருகின்றனர்.

இரு பாகங்களாக உருவாகும் இந்த படத்திற்கு தேவி ஸ்ரீ பிரசாத் இசையமைத்து வருகிறார். இந்த படத்தில் நடிகர் சூர்யா முதல் முறையாக 10-க்கும் மேற்பட்ட வேடங்களில் நடித்து வருகிறார். ஃபேண்டஸி கதைக்களத்தில் அதிகபட்ச அனிமேஷன் காட்சிகளுடன் இப்படம் உருவாகிறது. முழுக்க முழுக்க 3டி தொழில்நுட்பத்தில் உருவாகி வரும் இப்படம் 10 மொழிகளில் வெளியாகவிருக்கிறது. 

இப்படத்தின் படப்பிடிப்பு பல கட்டங்களாக நடைபெற்று வருகிறது. தற்போது இந்த படத்தின் படப்பிடிப்பு கொடைக்கானலில் நடைபெற்று வருகிறது. இதில் சூர்யாவின் காட்சிகள் இன்னும் சில நாட்களில் நிறைவுபெற உள்ளது. இந்நிலையில் சூர்யா பிறந்தநாளையொட்டி வரும் ஜூன் 23-ஆம் தேதி கங்குவா படத்தின் கிளிம்ப்ஸ் வீடியோவை வெளியிட படக்குழு திட்டமிட்டுள்ளது. இது ரசிகர்களிடையே உற்சாகத்தை ஏற்படுத்தி உள்ளது.