சிக்ஸ்பேக்குடன் மாஸ் காட்டும் சூர்யா... இணையத்தை கலக்கும் புகைப்படம் !

‘கங்குவா’ படத்திற்காக நடிகர் சூர்யா சிக்ஸ்பேக்குடன் மாஸ் லுக்கில் இருக்கும் புகைப்படம் ஒன்று வெளியாகியுள்ளது. 

சூர்யாவின் சினிமா வாழ்க்கையில் உச்சம் தொடும் படமாக உருவாகி வருகிறது ‘கங்குவா’.  யூவி கிரியேஷன் மற்றும் ஸ்டுடியோ கிரீன் நிறுவனங்கள் தயாரிக்கும் இந்த படம் 10-க்கும் மேற்பட்ட மொழிகளில் உருவாகி வருகிறது. 1500 ஆண்டுகளுக்கு முன்பு நடக்கும் கற்பனை கலந்த கதைக்களம் கொண்ட இந்த படம் முழுக்க முழுக்க 3டி தொழிற்நுட்பத்தில் உருவாகி வருகிறது. 

சிறுத்தை சிவா இயக்கத்தில் உருவாகும் இந்த படத்தில் நடிகர் சூர்யா 5-க்கும் மேற்பட்ட வேடங்களில் நடித்து வருகிறார்.  இந்த படத்தில் பாலிவுட் நடிகை திஷா பதானி கதாநாயகியாக நடிக்கிறார். மேலும் இந்த படத்தில் யோகி பாபு, கோவை சரளா, நட்ராஜ் உள்ளிட்டோர் முக்கிய கதாபாத்திரங்களில் நடித்து வருகின்றனர். இந்த படத்திற்கு தேவி ஸ்ரீ பிரசாத் இசையமைத்து வருகிறார். 

 ஃபேண்டஸி கதைக்களத்தில் உருவாகும் இந்த படத்தின் படப்பிடிப்பு கோவா, கொடைக்கானல் உள்ளிட்ட இடங்களில் நடைபெற்றுள்ளது. இந்நிலையில் இப்படத்திற்காக உடலை மெருமேற்றி சிக்ஸ்பேக்கிற்கு நடிகர் சூர்யா மாறியுள்ளார். இது குறித்த புகைப்படம் ஒன்று வெளியாகி இணையத்தை கலக்கி வருகிறது.