கங்குவா படத்தில் சூர்யாவின் காட்சிகள் நிறைவு

கங்குவா திரைப்படத்தில் சூர்யா இடம்பெறும் காட்கள் அனைத்தும் படமாக்கப்பட்டு முடிந்ததாக தகவல் வெளியாகி உள்ளது.

நடிகர் சூர்யாவின் நடிப்பில் உருவாகும் ‘கங்குவா’ திரைப்படம் மிகுந்த எதிர்பார்ப்பை ஏற்படுத்தியுள்ளது.  சிறுத்தை சிவா இயக்கத்தில் உருவாகும் இந்த படத்தில் நடிகர் சூர்யா 5-க்கும் மேற்பட்ட வேடங்களில் நடித்து வருகிறார்.  இந்த படத்தில் பாலிவுட் நடிகை திஷா பதானி கதாநாயகியாக நடிக்கிறார். மேலும் இந்த படத்தில் யோகி பாபு, கோவை சரளா, நட்ராஜ் உள்ளிட்டோர் முக்கிய கதாபாத்திரங்களில் நடித்து வருகின்றனர். இந்த படத்திற்கு தேவி ஸ்ரீ பிரசாத் இசையமைத்து வருகிறார்.  யூவி கிரியேஷன் மற்றும் ஸ்டுடியோ கிரீன் நிறுவனங்கள் தயாரிக்கிறது. இந்த படம் முழுக்க முழுக்க 3டி தொழிற்நுட்பத்தில் உருவாகி வருகிறது. ஃபேண்டஸி கதைக்களத்தில் உருவாகும் இந்த படத்திற்கு ஏராளமான அனிமேஷன் காட்சிகள் இடம்பெற உள்ளது. இந்த படம் 1500 ஆண்டுகளுக்கு முன்பு நடக்கும் கற்பனை கலந்த கதைக்களம் கொண்ட படமாகும். இரு பாகங்களாக உருவாகும் இந்த படத்தின் படப்பிடிப்பு கோவா, கொடைக்கானல் உள்ளிட்ட இடங்களில் நடைபெற்றுள்ளது.

இந்நிலையில், கங்குவா திரைப்படத்தில் சூர்யா இடம்பெறும் காட்சிகள் படமாக்கப்பட்டு முடிந்ததாக தகவல் வெளியாகி இருக்கிறது. அடுத்ததாக படத்தில் வில்லனாக நடிக்கும் பாபி டியோல்  படப்பிடிப்பில் இணைந்து இருக்கிறார். அவர் இடம்பெறும் காட்சிகள் ஆந்திராவில் உள்ள கடப்பாவில் படமாக்கப்பட உள்ளது. இதனிடையே, நடிகர் சூர்யா ஓய்வு எடுக்க மும்பை சென்றுள்ளார்.