சுசீந்திரன் இயக்கிய ‘2கே லவ் ஸ்டோரி’ ஓடிடி ரிலீஸ் அப்டேட்...
சுசீந்திரன் இயக்கத்தில் வெளியான ‘2 கே லவ் ஸ்டோரி’ திரைப்படத்தின் ஓடிடி ரிலீஸ் தேதி அறிவிக்கப்பட்டுள்ளது.
‘வெண்ணிலா கபடி குழு’, ‘ஆதலால் காதல் செய்வீர்’, ‘நான் மகான் அல்ல’, ‘ஜீவா’ உள்ளிட்ட படங்களின் மூலம் புகழ்பெற்ற இயக்குநர் சுசீந்திரன் இயக்கத்தில் காதலர் தினத்தை முன்னிட்டு கடந்த பிப்.14-ம் தேதி திரையரங்குகளில் வெளியான படம் ‘2கே லவ் ஸ்டோரி’.
இந்தப் படத்தை சிட்டி லைட் பிக்சர்ஸ் தயாரித்தது. நவீன இளைஞர்களின் காதலைப் பேசும் படமாக உருவாகியுள்ள இந்தப் படத்தில் புதுமுக நாயகனாக ஜெகவீர் நடித்துள்ளார். மீனாட்சி கோவிந்தராஜன் நாயகியாக நடித்துள்ளார். இவர்களுடன் பால சரவணன், ஆண்டனி பாக்யராஜ், ஜெயபிரகாஷ், வினோதினி, சிங்கமுத்து, ஜிபி முத்து மற்றும் பல முன்னணி நட்சத்திரங்கள் இணைந்து நடித்துள்ளனர்.
படத்துக்கு டி.இமான் இசையமைத்துள்ளார். இன்றைய தலைமுறையின் காதலை பேசும் படமாக வெளியான இப்படம் கலவையான விமர்சனங்களைப் பெற்றது. இந்நிலையில், ‘2கே லவ் ஸ்டோரி’ திரைப்படம் வரும் மார்ச் 14 ஆம் தேதி ஆஹா தமிழ் ஓடிடி தளத்தில் வெளியாகும் என அறிவிக்கப்பட்டுள்ளது.
