தமிழ் சினிமா தயாரிப்பாளர் ராமநாதன் காலமானார்... திரையுலகினர் இரங்கல்

பிரபல தமிழ் சினிமா தயாரிப்பாளர் ராமநாதன் உடல்நலக் குறைவு காரணமாக இன்று(ஏப்ரல் 07) உயிரிழந்தார். 

பிரபல தமிழ்த் திரைப்படத் தயாரிப்பாளர் ராஜ் பிலிம்ஸ் இன்டர்நேஷனல் M.ராமநாதன்( 72) உடல் நலக் குறைவால் சென்னையில் உள்ள தனியார் மருத்துவ மனையில் இன்று (திங்கட்கிழமை) காலை காலமானார்.  நடிகர் சத்யராஜிற்கு நீண்ட காலமாக இவர் மேலளாராக இருந்து வந்தார்.இவரது தயாரிப்பில், வாத்தியார் வீட்டுப் பிள்ளை, நடிகன், வள்ளல், திருமதி பழனிச்சாமி, பிரம்மா, உடன்பிறப்பு, வில்லாதி வில்லன் ஆகிய படங்களில் சத்யராஜ் கதாநாயகனாக நடித்துள்ளார். விஜயகாந்த் கதாநாயகனாக நடிக்க ,பாரதிராஜா இயக்கத்தில் தமிழ்ச் செல்வன் படத்தையும் ராமனாதன் தயாரித்துள்ளார்.

மறைந்த தயாரிப்பாளர் ராமநாதனுக்கு பிரமிளா என்ற மனைவியும், காருண்யா, சரண்யா ஆகிய இரு மகள்களும் உள்ளனர். இருவரும் வெளிநாட்டில் உள்ளதால் அவர்கள் சென்னை வந்ததும் புதன்கிழமையன்று சென்னையில் இறுதி சடங்குகள் நடைபெறும் என்று அறிவிக்கப்பட்டுள்ளது. தயாரிப்பாளர் ராமநாதன் மறைவிற்கு திரையுலகினர் பலர் தங்களது இரங்கலை தெரிவித்து வருகின்றனர்