அட்டக்கத்தி தினேஷ் நடிக்கும் 'தண்டகாரண்யம்'... படப்பிடிப்பு குறித்து முக்கிய அப்டேட்

'அட்டக்கத்தி' தினேஷ் நடிக்கும் 'தண்டகாரண்யம்' படத்தின் புதிய அப்டேட் வெளியாகியுள்ளது. 

முன்னணி இயக்குனராக இருக்கும் பா ரஞ்சித், தனது நீலம் பிரொக்ஷன்ஸ் நிறுவனம் மூலம் புதிய படங்களை தயாரித்து வருகிறார். அந்த வகையில் ‘இரண்டாம் உலகப் போரின் கடைசி குண்டு' படத்தை இயக்கிய அதியன் ஆதிரை இயக்கத்தில் புதிய படத்தை பா ரஞ்சித்தின் நீலம் பிரொக்ஷன்ஸ் நிறுவனம் தயாரித்து வருகிறது.

இந்த படத்தில் தினேஷ் மற்றும் கலையரசன் ஆகிய இருவரும் முதன்மை கதாபாத்திரங்களில் நடித்து வருகின்றனர். 'தண்டகாரண்யம்' என்ற தலைப்பில் உருவாகும் இந்த படத்தின் அறிவிப்பு சமீபத்தில் வெளியானது. இந்த படத்தின் கதாநாயகிகளாக ரித்விகா, வின்ஷூசாம் ஆகிய இருவரும் நடிக்கின்றனர். இவர்களுடன் ஷபீர், பால சரவணன் உள்ளிட்டோர் முக்கிய வேடங்களில் நடிக்கின்றனர்.

பிரதீப் காளிராஜா ஒளிப்பதிவு செய்யும் இப்படத்திற்கு ஜஸ்டின் பிரபாகர் இசையமைத்து வருகிறார். இந்நிலையில் இந்த படத்தின் படப்பிடிப்பு கடந்த மாதம் தொடங்கியது. விறுவிறுப்பாக நடைபெற்று வந்த இந்த படத்தின் முதற்கட்ட படப்பிடிப்பு இன்று நிறைவுபெற்றது. இது குறித்து புகைப்படங்கள் வெளியாகி உள்ளது. இதையடுத்து இரண்டாம் கட்ட படப்பிடிப்பு விரைவில் தொடங்கவுள்ளது.