தனுஷை அதிர்ச்சியடைய செய்த க்ளைமாக்ஸ் காட்சி -எந்த படம் தெரியுமா ?

நடிகர் தனுஷ் நடித்த ராஞ்சனா இந்திப்படம் அபிகாபதி என்ற பெயரில் தமிழில் வெளியிடப்பட்டது கடந்த 2013ம் ஆண்டு .ஆனால் இப்போது அந்த படம் அதிநவீன தொழில்நுட்பங்களின் உதவியுடன் புதுப்பித்து வெளியிட்டுள்ளது. கிளைமாக்ஸ் மட்டும் ஏஐ தொழில்நுட்ப உதவியுடன் மாற்றப்பட்டுள்ளது. 
இதுகுறித்து இயக்குனர் ஆனந்த் எல்.ராய் அதிருப்தி தெரிவித்திருந்த நிலையில், தற்போது தனுஷ் கடும் கண்டனம் தெரிவித்துள்ளார். இதுகுறித்து அவர் வெளியிட்டுள்ள பதிவில், ‘ஏஐ மூலம் மாற்றப்பட்டுள்ள கிளைமாக்ஸுடன் ‘ராஞ்சனா’ படம் ரீ-ரிலீஸ் ஆகியிருப்பது எனக்கு அதிக மன வருத்தத்தை ஏற்படுத்தியுள்ளது. அந்த இறுதிக்காட்சி, படத்தின் அசல் ஆன்மாவை அடியோடு சிதைத்துவிட்டது. எனது தெளிவான எதிர்ப்பையும் தாண்டி படக்குழு இதை செய்துள்ளது. 12 ஆண்டுகளுக்கு முன்பு நான் ஒப்புக்கொண்ட படம் இது அல்ல. திரைப்படங்களையும், உள்ளடக்கங்களையும் ஏஐ உதவியுடன் மாற்றுவது என்பது கலைக்கும், கலைஞர்களுக்கும் மிகவும் கவலைக்குரிய விஷயமாகும். கதைசொல்லலின் நேர்மையையும், சினிமாவின் மரபையும் இது அச்சுறுத்துகிறது. எதிர்காலத்தில் இதுபோன்ற செயல்களை தடுக்கும் விதமாக, கடுமையான விதிமுறைகள் அமல்படுத்தப்படும் என்று நம்புகிறேன்’ என்று தெரிவித்துள்ளார்.