ரஜினிகாந்த் நடிக்கும் 170-வது திரைப்படத்தில் இணைந்தார் துஷாரா விஜயன்

ரஜினிகாந்த் நடிக்கும் 170-வது திரைப்படத்தில் துஷாரா விஜயன் முக்கிய கதாபாத்திரத்தில் இணைந்துள்ளதாக படக்குழு அதிகாரப்பூர்வமாக அறிவித்துள்ளது. 

ஜெயிலர் படத்தின் வெற்றியைத் தொடர்ந்து தற்போது ரஜினிகாந்த் நடிக்கும் இருக்கும் படம் தலைவர் 170 . ஜெய் பீம் படத்தை இயக்கிய த.செ ஞானவேல் இந்தப் படத்தை இயக்குகிறார். லைகா புரோடக்ஷன்ஸ்ச் இந்தப் படத்தை தயாரித்து வருகிறது. இந்நிலையில் தலைவர் 170 படத்தின் படக்குழுவினரை வரிசையாக லைகா நிறுவனம் அறிவித்து வருகிறது. முதலில் படத்தின் இயக்குநர் த.செ ஞானவேல் மற்றும் படத்தின் இசையமைப்பாளர் அனிருத் ஆகிய இருவரின் பெயர்களை படக்குழு வெளியிட்டது. இதை தொடர்ந்து, தற்போது படத்தில் துஷாரா விஜயன் இணைந்துள்ளதாக அறிவித்துள்ளது. மற்ற நடிகர், நடிகைகள் குறித்த தகவல்களும் அடுத்தடுத்து வெளியாகும் என்று எதிர்பார்க்கப்படுகிறது.