ரிலீசுக்கு தயாரான வரலட்சுமியின் ‘கன்னித்தீவு’.. புதிய போஸ்டர் வெளியீடு !
வரலட்சுமி சரத்குமார் நடிப்பில் உருவாகியுள்ள ‘கன்னித்தீவு’ படத்தின் ரிலீஸ் குறித்த புதிய தகவல் வெளியாகியுள்ளது.
கதாநாயகிக்கு முக்கியத்துவம் கொடுக்கும் படங்களில் மட்டுமே நடித்து வருகிறார் நடிகை வரலட்சுமி. அந்த வகையில் வரலட்சுமி சரத்குமார் நடித்துள்ள திரைப்படம் ‘கன்னித்தீவு’. இந்த படத்தை ‘கர்ஜனை’ படத்தின் மூலம் பிரபலமான சுந்தர் பாலு இயக்கியுள்ளார்.
இந்த படத்தில் வரலட்சுமியுடன் இணைந்து ஐஸ்வர்யா தத்தா, ஆஷ்னா சவேரி, சுபிக்ஷா உள்ளிட்டோரும் நடித்துள்ளனர். மேலும் இந்த படத்தில் மொட்டை ராஜேந்திரன், ஆடுகளம் நரேன், லிவிங்ஸ்டன் உள்ளிட்டோரும் நடித்துள்ளனர். ராஜ் பிரதாப் இசையமைக்கும் இப்படத்தை கிருத்திகா தயாரிப்பு நிறுவனம் தயாரித்து வருகிறது.
முழுக்க முழுக்க ஆக்ஷன் த்ரில்லரில் உருவாகியுள்ள இப்படம் நான்கு பெண்களை மையப்படுத்தி எடுக்கப்பட்டுள்ளது. சமீபத்தில் இப்படத்தின் டிரெய்லர் வெளியாகி படத்திற்கான எதிர்பார்ப்பை கூட்டியிருந்தது. இந்நிலையில் இப்படம் விரைவில் ரிலீசாகும் என்றும், இது குறித்த அறிவிப்பு வெளியிடப்படும் என்று அறிவிக்கப்பட்டுள்ளது.
