ஏ.ஆர்.ரகுமான் வெளியிட்ட 'திகட்ட திகட்ட காதலிப்போம்' பாடல்... 'அநீதி' ஃப்ர்ஸ்ட் சிங்கிள் வெளியீடு !
அர்ஜுன் தாஸ் நடிப்பில் உருவாகியுள்ள 'அநீதி' படத்தின் முதல் பாடல் வெளியாகி உள்ளது.
வசந்தபாலன் இயக்கத்தில் அர்ஜுன் தாஸ் நடிப்பில் உருவாகியுள்ள திரைப்படம் 'அநீதி'. இந்த படத்தில் அர்ஜுன் தாஸ் கதாநாயகனாக நடித்துள்ளார். கதாநாயகியாக துஷாரா விஜயன் நடித்துள்ளார். இவர்களுடன் வனிதா விஜயகுமார், நடிகர் அர்ஜுன் சிதம்பரம், சுரேஷ்சக்ரவர்த்தி, அறந்தாங்கி நிஷா உள்ளிட்டோர் நடித்துள்ளனர்.
வசந்தபாலன் தனது பள்ளி நண்பர்கள் நால்வருடன் இணைந்து ‘Urban Boyz‘ என்ற நிறுவனத்தின் மூலம் இப்படத்தை தயாரித்து வருகிறார். த்ரில்லர் பாணியில் உருவாகியுள்ள இப்படத்தின் டீசர் கடந்த சில மாதத்திற்கு வெளியாகி நல்ல வரவேற்பை பெற்றுள்ளது. தற்போது இறுதிக்கட்ட பணிகளில் இருக்கும் இப்படம் விரைவில் வெளியாக உள்ளது.
இந்நிலையில் இப்படத்தின் ஃபர்ஸ்ட் சிங்கிள் பாடல் வெளியிடப்பட்டுள்ளது. ஜி.வி.பிரகாஷ் இசையில் உருவாகியுள்ள இந்த பாடலை பிரபல இசையமைப்பாளரான ஏ.ஆர்.ரகுமான் வெளியிட்டுள்ளார். திகட்ட திகட்ட காதலிப்போம் என்று தொடங்கும் இந்த பாடல் காதல் சொட்ட சொட்ட உருவாகி உள்ளது. ஜிவி பிரகாஷ் மற்றும் யாமினி இணைந்து இப்பாடலை பாடியுள்ளனர். இந்த பாடல் ரசிகர்களிடையே நல்ல வரவேற்பை பெற்றுள்ளது.