வசந்தபாலன் - அர்ஜூன் தாஸ் கூட்டணியில் ‘அநீதி‘.. முக்கிய அறிவிப்பு !

வசந்தபாலன் இயக்கத்தில் உருவாகியுள்ள ‘அநீதி’ படத்தின் முக்கிய அப்டேட் வெளியாகியுள்ளது. 

தமிழ் சினிமாவில் பிரபல இயக்குனராக இருப்பவர் ‘வசந்தபாலன்’. வெயில், அங்காடி தெரு உள்ளிட்ட படங்கள் மூலம் ரசிகர்களை கவர்ந்த அவர், தற்போது ‘அநீதி’ படத்தை இயக்கியுள்ளார். இயக்குனர் ஷங்கரின் எஸ் பிக்சர்ஸ் மற்றும் வசந்தபாலனின் அர்பன் பாய்ஸ் நிறுவனம் இணைந்து இப்படத்தை தயாரித்துள்ளனர். இந்த படத்திற்கு ஜிவி பிரகாஷ் இசையமைத்துள்ளார். 

இந்த படத்தில் ‘கைதி’, ‘மாஸ்டர்’ ஆகிய படங்களில் வில்லனாக நடித்த அர்ஜூன் தாஸ் கதாநாயகனாக நடித்துள்ளார். கதாநாயகியாக துஷாரா விஜயன் நடித்துள்ளார். இவர்களுடன் வனிதா விஜயகுமார், நடிகர் அர்ஜுன் சிதம்பரம், சுரேஷ்சக்ரவர்த்தி, அறந்தாங்கி நிஷா, காளி வெங்கட், டி.சிவா உள்ளிட்டோர் நடித்துள்ளனர். 

வித்தியாசமான கதைக்களத்தில் உருவாகியுள்ள இப்படம் வரும் ஜூலை 21-ஆம் தேதி வெளியாகும் என அறிவிக்கப்பட்டுள்ளது. இதையொட்டி இப்படத்தின் டீசர் குறித்த அறிவிப்பு வெளியாகியுள்ளது. அதன்படி இப்படத்தின் டீசர் நாளை வெளியாகிறது.