விதார்த் - மிஷ்கின் கூட்டணியில் ‘டெவில்’... படப்பிடிப்பு குறித்து முக்கிய அப்டேட்
விதார்த் நடிப்பில் உருவாகும் ‘டெவில்’ படத்தின் முக்கிய அப்டேட் வெளியாகியுள்ளது.
தமிழ் சினிமாவில் இளம் நாயகனாக இருக்கும் விதார்த் நடிப்பில் உருவாகியுள்ள திரைப்படம் ‘டெவில்’. இந்த படத்தின் கதாநாயகியாக பூர்ணாவும், முக்கிய கதாபாத்திரத்தில் இயக்குனர் மிஷ்கினும் நடித்துள்ளனர். இந்த படத்தை ‘சவரக்கத்தி’ படத்தின் மூலம் பிரபலமான ஆதித்யா இயக்கி வருகிறார்.
மேலும் இந்த படத்தில் ஆதிக் அருண், இயக்குனர் மிஷ்கின், சுபஸ்ரீ ராயகுரு உள்ளிட்டோர் முக்கிய கதாபாத்திரங்களில் நடித்து வருகின்றனர். இந்த படத்திற்கு முதல்முறையாக இயக்குனர் மிஷ்கின் இசையமைத்துள்ளார். மாருதி பிலிம்ஸ் சார்பாக ஆர்.ராதாகிருஷ்ணன் இப்படத்தை தயாரித்து வருகிறார்.
கடந்த ஜூன் மாதம் இந்த படத்தின் படப்பிடிப்பு தொடங்கியது. இதையடுத்து இப்படத்தின் படப்பிடிப்பு விறுவிறுப்பாக நடைபெற்று வந்தது. இந்நிலையில் இப்படத்தின் படப்பிடிப்பு நிறைவுபெற்றுள்ளதாக அறிவிக்கப்பட்டுள்ளது. இதையொட்டி படக்குழுவினர் குரூப்பாக எடுத்த புகைப்படம் ஒன்றும் வெளியாகியுள்ளது.
