'விடுதலை 2' படத்தின் மேக்கிங் வீடியோ வெளியீடு

வெற்றிமாறனின் ‘விடுதலை 2’ படம் வரும் 20ம் தேதி திரையரங்குகளில் வெளியாக உள்ளது.இயக்குனர் வெற்றிமாறன் இயக்கத்தில் கடந்த ஆண்டு வெளியான திரைப்படம் 'விடுதலை'. இந்த படத்தில் நடிகர் சூரி கதாநாயகனாக நடிக்க அவருடன் இணைந்து விஜய் சேதுபதி முக்கிய கதாபாத்திரத்தில் நடித்திருந்தார். இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்றது. தற்போது இந்த படத்தின் வெற்றியை தொடர்ந்து இதன் இரண்டாவது பாகம் உருவாகியுள்ளது. இதில் சூரி, விஜய் சேதுபதி ஆகியோருடன் இணைந்து பிரகாஷ்ராஜ், சேத்தன், மூணார் ரமேஷ், பவானிபஸ்ரீ, இளவரசு, பாலாஜி சக்திவேல், மஞ்சுவாரியர், கிஷோர், போஸ் வெங்கட் உள்ளிட்ட பலர் இப்படத்தில் நடிக்கின்றனர். இந்த படத்திற்கும் இசைஞானி இளையராஜா இசையமைத்துள்ளார். இந்த படத்தின் படப்பிடிப்பு பணிகள் நிறைவடைந்துள்ள நிலையில், இப்படம் வருகிற டிசம்பர் மாதம் 20-ந் தேதி வெளியாக உள்ளது. சமீபத்தில் இப்படத்தின் இசை, டிரெய்லர் வெளியீடு விழா நடைபெற்றது.

Behind every masterpiece lies untold stories. 🎬 Get an exclusive look at the making of #ViduthalaiPart2https://t.co/Mj1OBaOBoB

Film by #VetriMaaran

An @ilaiyaraaja Musical #ViduthalaiPart2FromDec20
@VijaySethuOffl @sooriofficial @elredkumar @rsinfotainment… pic.twitter.com/dXYMmQ1fCw

— RS Infotainment (@rsinfotainment) December 14, 2024

 
இப்படத்தின், `தினம் தினமும்’ என்ற முதல் பாடல் வெளியாகி வைரலானது. இளையராஜா குரலில் வெளியான இந்த பாடல் ரசிகர்களை வெகுவாக கவர்ந்துள்ளது. அதனை தொடர்ந்து ’பொறுத்தது போதும்' என்ற பாடல் வெளியானது. இளையராஜா 'விடுதலை 2' படத்தின் பின்னணி இசைக்கான பணிகளை நிறைவு செய்துள்ளார். இந்நிலையில் ’விடுதலை 2' படத்தின் மேக்கிங் வீடியோவை படக்குழு வெளியிட்டுள்ளது.