விஜய் - ஜெனிலியா நடித்த சச்சின் ரீ - ரிலீஸ் அப்டேட்...!
விஜய் - ஜெனிலியா நடித்த சச்சின் திரைப்படத்தின் ரீ- ரிலீஸ் குறித்த தகவல் வெளியாகியுள்ளது.
கடந்த 2005 ஆம் ஆண்டு ஜான் இயக்கத்தில் விஜய் மற்றும் ஜெனிலியா முன்னணி கதாப்பாத்திரத்தில் நடித்து வெளியானது சச்சின் திரைப்படம். இவர்களுடன் வடிவேலு, சந்தானம், பாலாஜி, ரகுவரன் நடித்து இருந்தனர். இப்படம் வெளியாகி மக்களிடையே மிகப்பெரிய வரவேற்பை பெற்று வெற்றி திரைப்படமாக அமைந்தது. இன்றும் இப்படத்தின் காமெடி காட்சிகள் சமூக வலைத்தளத்தில் வலம் வந்துக் கொண்டுதான் உள்ளது. விஜய் மற்றும் ஜெனிலியா இருவருக்கும் இடையே மிக அழகான கெமிஸ்டிரி இப்படத்தில் இருக்கும். இதனால் இந்த ஜோடி ரசிகர்கள் மத்தியில் பெருமளவு ரசிக்கப்பட்டனர்.
இப்படத்தை கலைப்புலி எஸ்.தாணு தயாரித்துள்ளார். படத்தின் இசையை தேவி ஸ்ரீ பிரசாத் மேற்கொண்டார். படத்தின் பாடல்கள் அனைத்தும் பெருமளவு ஹிட்டானது. இந்நிலையில் ஏப்ரல் மாதத்துடன் சச்சின் திரைப்படம் வெளியாகி 20 வருடங்கள் நிறைவடையும் நிலையில் இப்படத்தை மீண்டும் ரிலீஸ் செய்ய படக்குழு திட்டமிட்டது.
Release date announcement tomorrow @ 10.18 am pic.twitter.com/cqBrpDk8Xg
— Kalaippuli S Thanu (@theVcreations) March 20, 2025
அதன்படி சச்சின் படத்தின் ரீ - ரிலீஸ் தேதி நாளை காலை 10.18 மணிக்கு அறிவிக்கப்படும் என தயாரிப்பாளர் கலைப்புலி எஸ்.தாணு அறிவித்துள்ளார். இதனால் ரசிகர்கள் மிகவும் உற்சாகத்தில் உள்ளனர்.
