விஜய் ஆண்டனி நடித்துள்ள 'சக்தித் திருமகன்' பட டீசர் ரிலீஸ் அப்டேட்..!

விஜய் ஆண்டனி நடித்துள்ள சக்தித் திருமகன் படத்தின் டீசர் ரிலீஸ் தேதி அறிவிக்கப்பட்டுள்ளது. 

இசையமைப்பாளராக சினிமாவில் அறிமுகமாகி தற்போது தற்போது தயாரிப்பாளராகவும், இயக்குனராகவும், நடிகராகவும் வலம் வருபவர் விஜய் ஆண்டனி. இவர் 'காளி, நான், சைத்தான், பிச்சைக்காரன்' உள்பட பல்வேறு படங்களில் நடித்துள்ளார். விஜய் ஆண்டனி நடிப்பில் இறுதியாக வெளிவந்த ரோமியோ, மழைபிடிக்காத மனிதன், ஹிட்லர் படங்கள் எதிர்பார்த்த வெற்றியைப் பெறவில்லை. விஜய் ஆண்டனியின் அடுத்த படமான 'ககன மார்கன்' விரைவில் வெளியாக உள்ளது.

 இந்நிலையில், விஜய் ஆண்டனியின் 25வது படத்தை விஜய் ஆண்டனி தயாரிக்க அருண் பிரபு எழுதி இயக்குகிறார். இப்படத்திற்கு 'சக்தித் திருமகன்' எனப் பெயரிடப்பட்டுள்ளது. தற்போது சக்தித் திருமகன் படத்தின் டீசர் ரிலீஸ் தேதி அறிவிக்கப்பட்டுள்ளது. அதன்படி, வரும் 12ஆம் தேதி ( நாளை ) டீசர் வெளியாகும் என அறிவிக்கப்பட்டுள்ளது.