'ரெட்ரோ' ப்ரோமோஷன் விழாவில் விஜய் தேவரகொண்டா...!

சூர்யா நடிப்பில் வெளியாக உள்ள 'ரெட்ரோ' ப்ரோமோஷன் விழாவில் நடிகர் விஜய் தேவரகொண்டா பங்கேற்கவுள்ளார். 

கார்த்திக் சுப்பராஜ் இயக்கத்தில் சந்தோஷ் நாராயணன் இசையமைப்பில் சூர்யா, பூஜா ஹெக்டே மற்றும் பலர் நடிப்பில் அடுத்த வாரம் மே 1ம் தேதி வெளியாக உள்ள படம் 'ரெட்ரோ'. இப்படத்தை தெலுங்கு, ஹிந்தியிலும் டப்பிங் செய்து வெளியிடுகிறார்கள்.சூர்யாவிற்கு தெலுங்கில் குறிப்பிடத்தக்க மார்க்கெட் உள்ளது. படத்தில் தெலுங்கு ரசிகர்களின் அபிமான நாயகியான பூஜா ஹெக்டேவும் நடித்திருப்பதால் அது படத்திற்கு கூடுதல் பலத்தைச் சேர்த்திருக்கிறது. தமிழில் இப்படத்திற்கான பிரம்மாண்ட விழாவை கடந்த வாரம் சென்னையில் நேரு ஸ்டேடியத்தில் நடத்தினார்கள்.

The celebrations just got bigger and louder 💥💥#Retro Pre-Release Event on April 26th 🤟🏻

With none other than Rowdy @TheDeverakonda as the Chief Guest ❤️‍🔥#RetroFromMay1 #LoveLaughterWar @Suriya_Offl #Jyotika @karthiksubbaraj @hegdepooja @Music_Santhosh @prakashraaj… pic.twitter.com/GF1OPMJKpb

— Sithara Entertainments (@SitharaEnts) April 24, 2025

நாளை ஐதராபாத்தில் உள்ள ஜேஆர்சி கன்வென்ஷன் சென்டரில் இப்படத்தின் விழா நடைபெற உள்ளது. அதில் விஜய் தேவரகொண்டா சிறப்பு விருந்தினராகக் கலந்து கொள்ள உள்ளார். சூர்யாவுடன் ஒப்பிடும் போது விஜய் தேவரகொண்டா ஜுனியர் நடிகர்தான். இருந்தாலும் 'ரெட்ரோ' படம் இளைஞர்களுக்கான படம் என்பதால் தெலுங்கில் உள்ள இளம் ரசிகர்களைக் கவரும் விதத்தில் விஜய்யை அழைத்துள்ளார்கள் என கூறப்படுகிறது.