‘தலைவர்’ படத்துக்கு நோ சொன்ன ‘விஜய் சேதுபதி’ – என்ன காரணம் தெரியுமா?

சூப்பர் ஸ்டார் ரஜினிகாந்தின் 171வது படத்தில் நடிக்க நடிகர் விஜய்சேதுபதி நோ சொல்லிவிட்டதாக தகவல்கள் தெரிவிக்கின்றனர்.

ரஜினிகாந்த் தனது 170வது படத்திற்காக டி.ஜெ. ஞானவேலுடன் கைகோர்த்துள்ளார். தொடர்ந்து அவரது அடுத்த படத்தை இயக்கும் வாய்ப்பு லோகேஷ் கனகராஜூக்கு கிடைத்துள்ளது. அந்த படமும் அடுத்த ஆண்டு மார்ச் அல்லது ஏப்ரல் மாதம் படப்பிடிப்பு துவங்க உள்ள நிலையில் படத்தில் வில்லனாக  நடிக்க நடிகர் விஜய் சேதுபதியிடம் பேச்சுவார்த்தை நடத்தினாராம் இயக்குநர் லோகேஷ். ஆனால் அதற்கு நோ சொல்லிவிட்டாராம் விஜய் சேதுபதி.

அதற்கு காரணமாக ஏற்கனவே கமிட்டான படங்களில் நடித்து முடிக்கவே இன்னும் பல மாதங்கள் ஆகும் அதனால் கால்ஷீட் பிரச்சனை வரும் என்பதற்காக அவர் ரஜினியின் படத்தை தவிர்த்ததாக தகவல் வந்துள்ளது. இதற்கு முன்னர் லோகேஷ் இயக்கிய மாஸ்டர், விக்ரம் ஆகிய படங்களில் விஜர் சேதுபதி வில்லனாக மிரட்டியது குறிப்பிடத்தக்கது.