கதாநாயகனாக அறிமுகமாகும் விஜே சித்து...!
YouTube மூலம் பிரபலமான விஜே சித்து கதாநாயகனான அறிமுகம் ஆகவுள்ளதாக தகவல் வெளியாகி உள்ளது.
YouTube மற்றும் சமூக வலைதளங்களில் பிரபலமானவர் விஜே சித்து. பிரதீப் ரங்கநாதன் நடித்த ’டிராகன்’ திரைப்படத்தில் ஒரு சிறிய கதாபாத்திரத்தில் நடித்திருந்த விஜே சித்துவின் காட்சிகள் நல்ல வரவேற்பை பெற்றது. அடுத்ததாக அவர் ஹீரோவாக நடிக்க இருப்பதாகவும், இந்த படம் குறித்த அறிவிப்பு இன்னும் சில நாட்களில் வெளியாகும் என்றும் தகவல் வெளியாகி உள்ளது. 
விஜே சித்து ஹீரோவாக நடிக்கும் படத்தை அவரே இயக்க இருப்பதாகவும், இந்த படத்தை வேல்ஸ் பிலிம்ஸ் இன்டர்நேஷனல் நிறுவனம் தயாரிக்க இருப்பதாகவும் கூறப்படுகிறது. மேலும், இந்த படம் குறித்த அறிவிப்பு இன்னும் சில நாட்களில் வெளியாகும் என்றும், படப்பிடிப்பு வரும் மே மாதம் தொடங்கும் என்றும் தகவல்கள் வெளியாகி உள்ளன. மேலும், இந்த படத்தின் ப்ரோமோ வீடியோ உருவாகி இருப்பதாகவும் இந்த வீடியோவில் விஜே சித்து மற்றும் தயாரிப்பாளர் ஐசரி கணேஷ் நடித்துள்ள காட்சிகள் இருப்பதாகவும் கூறப்படுகிறது.
