‘குட் பேட் அக்லி’ படத்தின் ஓடிடி ரிலீஸ் எப்போது...? லேட்டஸ்ட் அப்டேட்...!
அஜித்தின் ‘குட் பேட் அக்லி’ படத்தின் ஓடிடி ரிலீஸ் எப்போது என்பது குறித்து தகவல் வெளியாகியுள்ளது.
ஆதிக் ரவிச்சந்திரன் இயக்கத்தில் அஜித் நடிப்பில் கடந்த ஏப்ரல் 10-ம் தேதி திரையரங்குகளில் வெளியானது ‘குட் பேட் அக்லி’. இந்தப் படத்தில் த்ரிஷா, அர்ஜுன் தாஸ், பிரியா பிரகாஷ் வாரியர், சுனில், பிரசன்னா, ஷாக்கி ஷெராஃப் உள்ளிட்ட பலர் நடித்துள்ளனர். ஜி.வி.பிரகாஷ்குமார் இசையமைத்துள்ளார். மைத்ரீ மூவி மேக்கர் நிறுவனம் படத்தை தயாரித்துள்ளது. படம் வெளியாகி கலவையான விமர்சனங்களைப் பெற்றது. இந்த படத்தில் அஜித்தின் வின்டேஜ் கெட்டப், ரெட்ரோ பாடல்கள், நடனம் என பல்வேறு அம்சங்கள் இடம்பெற்றுள்ளன.
கலவையான விமர்சனங்கள் இருந்தபோதிலும், படம் வெளியாகி ரூ.250 கோடி வசூலை ஈட்டியதாக கூறப்படுகிறது. படத்தின் பட்ஜெட் ரூ.200 கோடி என தகவல் வெளியாகியுள்ளது. இந்நிலையில் இந்தப் படம் எப்போது ஓடிடியில் வெளியாகும் என ரசிகர்கள் எதிர்பார்த்து வருகின்றனர். இந்தப் படம் வரும் மே 8-ம் தேதி நெட்ஃப்ளிக்ஸ் ஓடிடியில் வெளியிடப்படும் என தகவல் வெளியாகியுள்ளது.
அஜித் தற்போது கார் ரேஸில் கவனம் செலுத்தி வருகிறார். அவர் அடுத்து நடிக்கும் படத்தை யார் இயக்குகிறார்கள் என்பது குறித்த கேள்வி எழுந்துள்ளது. கார் ரேஸ் முடிந்ததும், சில மாதங்களில் மீண்டும் நடிப்பில் அஜித் கவனம் செலுத்துவார் என கூறப்படுகிறது.
