‘அபியோட ஆட்டத்த இனிமேல் பார்க்கப்போறீங்க’ .. பிக்பாஸ் அல்டிமேட் அடுத்த போட்டியாளர் அறிவிப்பு !
பிக்பாஸ் அல்டிமேட்டின் அடுத்த போட்டியாளர் யார் என்ற ப்ரோமோ வெளியாகியுள்ளது.
பிக்பாஸ் அல்டிமேட் போட்டியாளர்கள் அதிரடியாக அறிவிக்கப்பட்டு வருகின்றனர். இதனால் ரசிகர்கள் மகிழ்ச்சி அடைந்து வருகின்றனர். ஏனென்றால் கடந்த சீசன்களில் மக்களின் மனம் கவர்ந்த போட்டியாளர்கள் இருந்தனர். ஆனால் அவர்கள் பிக்பாஸ் வின்னராக தேர்வாகவில்லை என்றாலும், மக்கள் மனதில் தீராத இடம்பிடித்துள்ளனர்.
அந்த வகையில் பிக்பாஸ் வீட்டில் போட்டியாளர்கள் தான் தற்போது பிக்பாஸ் அல்டிமேட்டுக்கு வரவுள்ளனர். இந்நிகழ்ச்சி துவங்க இன்னும் மூன்று நாட்களே உள்ள நிலையில் அடுத்த போட்டியாளர்களின் ப்ரோமோ வெளியாகி வருகிறது. ஏற்கனவே சினேகன், ஜூலி, வனிதா, சுரேஷ் சக்ரவர்த்தி ஆகியோர் பங்கேற்பார் என அறிவிக்கப்பட்டுள்ளது.
இந்நிலையில் ஐந்தாவது போட்டியாளராக அபிராமி பங்கேற்க உள்ளார். அது குறித்த ப்ரோமோ வெளியாகியுள்ளது. அதில் ஒரு ஊரில்ல அபநயமான பொண்ணு இருந்தாளாம். ஒரு ஆட்டத்தை தோற்றுவிட்டு சோகமாக வந்தாளாம். இருந்தாலும் மனம் தளராமல் பயிற்சி செய்த அவளுக்கு மறு வாய்ப்பு கிடைச்சுதாம். அபிராமி பிக்பாஸ் ஆடலாமா வாங்க என்று பிக்பாஸ் குரல் கேட்க, சந்தோஷமாகும் அபிராமியின் ப்ரோமோ வெளியாகியுள்ளது. அதில் பேசும் அபிராமி, அபியோட ஆட்டத்த இனிமேல் தான் பார்க்கப்போறீங்க என சொல்கிறார்.
