‘தளபதி 67’ படத்தை இயக்கும் வெற்றிமாறன்… உறுதியான தகவல்!
விஜயின் 67-வது படத்தை வெற்றிமாறன் இயக்கவிருப்பது உறுதியாகியுள்ளது.
இயக்குனர் வெற்றிமாறன் விஜய் நடிக்கும் அடுத்த படத்தை இயக்கவிருப்பதாகப் பல மாதங்கள் கூறப்பட்டு வந்தது. தற்போது அந்தத் தகவல் உறுதியாகியுள்ளது. ஆம், இயக்குனர் வெற்றிமாறன் சமீபத்தில் கலந்துகொண்ட ஒரு நேர்காணலில் இதை உறுதிப்படுத்தியுள்ளார்.
விஜய் நடிக்கவிருக்கும் 67-வது படத்தை வெற்றிமாறன் இயக்கவுள்ளார். விஜய் தற்போது தனது 65-வது படத்தில் இயக்குனர் நெல்சன் திலீப்குமார் இயக்கத்தில் நடித்து வருகிறார். அதையடுத்து மீண்டும் லோகேஷ் கனகராஜ் இயக்கத்தில் ஒரு படத்தில் நடிக்க இருப்பதாகத் தெரிவிக்கப்படுகிறது.
அந்தப் படத்தை அடுத்து வெற்றிமாறன் உடன் கூட்டணி அமைப்பார் என்று எதிர்பார்க்கப்படுகிறது. வெற்றிமாறன் தற்போது சூரி கதாநாயகனாக நடிக்கும் படத்தை இயக்கி வருகிறார். அதையடுத்து ஆர்எஸ் இன்போடெயின்மெண்ட் சார்பாக எல்ரெட் குமார் தயாரிக்கும் படத்தை இயக்குகிறார். அதையடுத்து சூர்யா நடிப்பில் ‘வாடிவாசல்’ படத்தை இயக்கவிருக்கிறார். பின்னர் வடசென்னை படத்தின் முந்தைய கதையை வெப் சீரிஸாக தயாரிக்க உள்ளார்.
இந்தப் படங்களை எல்லாம் முடித்த பிறகு விஜயுடன் கூட்டணி அமைப்பார் என்று கூறியுள்ளார். இந்த காம்போ கோலிவுட் சினிமாவின் ட்ரீம் காம்போ என்றே கூறலாம். தற்போது அது உறுதியூகியுள்ளதால் விஜய் ரசிகர்கள் மட்டுமல்ல, அனைத்து கோலிவுட் ரசிகர்களும் கொண்டாடுகின்றனர். எனவே எதிர்காலத்தில் இந்தக் கூட்டணியில் ஒரு ப்ளாக்பஸ்டர் படம் கன்ஃபார்ம்.
