கொல மாஸ் லுக்கில் சிம்பு.. இணையத்தை கலக்கும் புகைப்படங்கள் !
கொல மாஸ் லுக்கில் இருக்கும் புகைப்படங்களை நடிகர் சிம்பு வெளியிட்டுள்ளார்.
தமிழ் சினிமாவில் செம்ம ஸ்டைலிஷ்ஷான நடிகர்களில் ஒருவர் சிலம்பரசன். கடந்த சில ஆண்டுகளாக சினிமாவில் நடிக்காமல் இருந்த அவர், ‘மாநாடு’ படத்தின் மூலம் ரீ என்ட்ரி கொடுத்தார். இந்த படம் வெற்றிப்பெற ‘வெந்து தணிந்தது காடு‘, ‘பத்து தல’ ஆகிய படங்கள் நல்ல வரவேற்பை பெற்றது.
இந்த வெற்றிக்கு பிறகு சிம்புவின் நடிப்பில் உருவாகும் திரைப்படங்களுக்கு அதிக எதிர்பார்ப்பு ஏற்பட்டுள்ளது. அந்த வகையில் நடிகர் கமலஹாசன் தயாரிப்பில் சிம்பு நடிப்பில் புதிய திரைப்படம் உருவாகவுள்ளது. இந்த படத்தை ‘கண்ணும் கண்ணும் கொள்ளையடித்தால்’ படத்தின் இயக்குனர் தேசிங்கு பெரியசாமி இயக்கவுள்ளார்.
சிம்புவின் கெரியரில் மிகப்பெரிய பட்ஜெட்டில் உருவாகும் இந்த படத்தை கமலின் ராஜ் கமல் இன்டர்நேஷ்னல் நிறுவனம் தயாரிக்கவுள்ளது. சூப்பர் ஸ்டார் ரஜினிகாந்துக்காக எழுதிய அந்த கதையில் சில மாற்றங்கள் செய்யப்பட்டு சிம்பு நடிக்கவுள்ளார். இந்த படத்தின் ப்ளாஷ் காட்சிகள் வெறித்தனமாக இருக்கும் என கூறப்படுகிறது. முழுக்க முழுக்க இந்த படம் ஆக்ஷனில் தெறிக்கவிடும் என கூறப்படுகிறது.
இந்த படத்தில் கதாநாயகியாக நடிக்க பாலிவுட் நடிகை தீபிகா படுகோனே, கீர்த்தி சுரேஷ், ராஷ்மிகா மந்தனா ஆகியோருடன் பேச்சுவார்த்தை நடைபெற்று வருகிறது. முதற்கட்ட பணிகள் நடைபெற்று வரும் இந்த படத்தின் படப்பிடிப்பு வரும் ஆகஸ்ட் மாதம் தொடங்கவுள்ளது. இதற்காக சில தற்காப்பு கலைகளை கற்க நடிகர் சிம்பு லண்டன் சென்றுள்ளார். அங்கு சில நாட்கள் இருக்கும் சிம்பு பயிற்சிகளை முடித்துவிட்டு விரைவில் சென்னை திரும்புவார் என்று கூறப்படுகிறது.
இந்நிலையில் லண்டனில் கொல மாஸாக இருக்கும் புகைப்படங்களை சிம்பு வெளியிட்டுள்ளார். இந்த புகைப்படங்கள் இணையத்தில் வேகமாக வைரலாகி வருகிறது.
