ஜெயம் ரவி மற்றும் நயன்தாரா நடிப்பில் புதிய படம்!
ஜெயம் ரவி மற்றும் நயன்தாரா நடிப்பில் புதிய படம் உருவாக இருப்பதாக கூறப்படுகிறது.
ஜெயம் ரவி தற்போது கல்யாண் கிருஷ்ணன் இயக்கத்தில் அகிலன் என்ற படத்தில் நடித்து வருகிறார். அதையடுத்து ஜெயம் ரவி ராஜேஷ் இயக்கத்தில் புதிய படத்தில் நடிக்கிறார். அந்த படத்தின் அறிவிப்பு இன்று காலை வெளியானது.
இந்நிலையில் ஜெயம் ரவி மற்றும் நயன்தாரா நடிப்பில் புதிய படம் உருவாக இருப்பதாக கூறப்படுகிறது. இந்தப் படத்தை என்றென்றும் புன்னகை, மனிதன் உள்ளிட்ட படங்களை இயக்கிய அஹமத் இயக்க இருப்பதாகக் கூறப்படுகிறது.
ஜெயம் ரவி மற்றும் நயன்தாரா இருவரும் இணைந்து 'தனி ஒருவன்' படத்தில் நடித்திருந்தனர். அந்தப் படம் பிளாக்பஸ்டர் வெற்றி பெற்றது. அதையடுத்து இருவரும் எந்தப் படத்திலும் நடிக்கவில்லை.
நயன்தாரா தற்போது கனெக்ட் என்ற படத்தில் நடித்து வருகிறார். விக்னேஷ் சிவன் இயக்கத்தில் காத்து வாக்குல ரெண்டு காதல் படத்திலும் நடித்து முடித்துள்ளார்.
